KABINETI I KRYEPARLAMENTARIT: NGA TETË QERSHORI SEANCAT PLENARE NË SALLËN “MAQEDONIA”

Pas inspektimit nga ana e kryetarit të Komisionit të Sëmundjeve Ngjitëse të Ministrisë së Shëndetësisë, z. Karaxhovski dhe përfaqësuesve të Institutit të Shëndetit Publik dhe Ministrisë së Shëndetësisë, Kuvendi i Republikës së Maqedonisë së Veriut, prej më 8 qershor 2021 do i mbajë seancat plenare në Sallën “Maqedonia” në pajtim me Protokollin e aprovuar për mbajtjen e seancave plenare në Sallën “Maqedonia”– thuhet në komunikatën nga Kabineti I Kryetarit të Kuvendit.

“Gazetarët e akredituar do të vendosen në Sallën 3 – Pres qendra dhe Sallën 4 në katin e parë të Kuvendit, me mundësi për lëvizje përmes një dere në korridorin ndërmjet Sallave. Përfaqësuesve të akredituar të mediumeve në Kuvendin e Republikës së Maqedonisë së Veriut do u lejohet hyrje në galerinë e Sallës “Maqedonia” në numër të kufizuar, respektivisht gjithsej 17 përfaqësues të mediumeve do të mund të përcjellin seancën nga galeria dhe të njëjtit do të mund të ulen në vendet e shënuara në galeri, duke e respektuar distancën përkatëse. Hyrja në sallën plenare do të lejohet për përfaqësuesit e mediumeve që do të japin provë për kryerjen e imunizimit të plotë, respektivisht vaksinimin kundër KOVID – 19. Legjitimimi i gazetarëve do të bëhet në mënyrë përkatëse si edhe për deputetët dhe mysafirët VIP” – thuhet në komunikatë. 

Në lidhje me konferencat për shtyp dhe deklaratat për mediume, sic thuhet në komunikatë, të njëjtat do të mbahen në “Sallën e Kristaltë” e cila është e pajisur me 50 ulëse për gazetarët në distancë përkatëse dhe me mikrofon portativ, ndërsa për kameramanët do të ketë vende të shënuara për vendosjen e kamerave dhe ndërmjet të gjitha grupeve do të ketë ndarje të shënuar në mënyrë përkatëse.

Gjatë mbajtjes se seancave të trupave punues në Kuvend, incizuesve do u lejohet qasje për incizimin e inserteve në fillim të seancës të trupit punues, ndërsa seancat e trupave punues që zhvillohen në sallën “Boris Trajkoski”, përfaqësuesit do të mund të përcjellin punën e përgjithshme të trupit punues nga galeria, respektivisht kameramanët do të mund të incizojnë nga vendi i shënuar për incizuesit – thuhet në komunikatën nga Kabineti I Kryeparlamentarit.

Në pajtim me protokollin, gjatë qëndrimit të përgjithshëm dhe lëvizjes në Kuvend, është e obligueshme mbajtja e pajisjes që e mbulon gojën dhe hundën; në hyrjet e Kuvendit mbetet obligimi për aplikimin e mjetit dezinfektues, dhe matja e temperaturës.

Bufeja ndërmjet Sallave 3 dhe 4 do të jetë në dispozicion për gazetarët sipas parimit “për të marrë me vete”. Restoranti i Kuvendit, i pozicionuar në bodrum, do të jetë i hapur vetëm për deputetë në pajtim me Protokollin, ndërsa Klubi i deputetëve mbetet i mbyllur – thuhet në komunikatën nga Kabineti I Kryetarit të Kuvendit.  /KlanMacedonia