Deputeti i Alternativës Skender Rexhepi-Zejd ka thyer sot heshtjen e tij sa i përket rrëzimit të Qeverisë. Me këtë rast ai u shpreh se është për rrëzimin e kësaj qeverie, por jo me çdo kusht.
E para gjithë deputetët kemi qenë të bindur që e Majta nuk nënshkruan, ishte që do të nënshkruaj PLD-ja, BESA, VMRO-ja dhe ne. Në frymën e kësaj, PO, u dakordova që të jap nënshkrimin dhe do ta jap gjithmonë, çdo nënshkrim kur do të duhet që të largohet e keqja e quajtur BDI për shqiptarët, por jo me çdo kusht. Edhe qëndrimi i Alternativës është dhe gjithmonë ka qenë i tillë që ne nuk guxojmë ta identifikojmë veten me një subjekt politik antishqiptar. Këtë nuk e lejoj në jetën time, të njollosi identitetin tim familjar për asnjë çmim”, tha Skender Rexhepi.
