Këshilli i Komunës së Kërçovës sot mbajti seancën e dytë me radhë e cila duhej të zhvillohej më dt.15 nëntor, edhe sot ashtu siq u anulua, seanca filloi mes debatit të ashpër me këshilltarëve të shumicës dhe atyre të VMRO-DPMNE-së dhe këshilltarëve nga lista e pavarur.
Në seancën e somte fillimisht komisioni për mandate dhe emrime pasi konstatoi dorëheqjen e tre këshilltarëve të BDI-së, më pas verifikoi anëtarët e ri , pas çka pasoi nënshkrimi i deklaratës solemne nga tre anëtarët e ri .
Më pas, pas një debati të thukt pas elaborimit nga ana e përfaqsuesit të Komunës së Kërçovës Burim Kadriu, me shumicë votash këshilltarët komunal miratuan edhe propozim ndryshimin dhe plotësimin e Buxhetit të Komunës së Kërçovës për vitin 2021.
Dritë jeshile nga këshilltarët komunal morën rregulloret për metodologjinë për përcaktimin e kritereve për shpërndarjen e bllok dotacioneve të destinuara për shkollat fillore dhe të mesme në rajonin e Kërçovës.
