Më dt. pesë dhjetor të këtij viti Xhamia Kërçova në Basell të Zvicrës shënon 5 vjetorin e themelimit, pesë vite në të cilat përveç kryerjes së ritualeve fetare , kjo Xhami u shndërrua edhe në vatër të arsimit për fëmijët shqiptar që jetojnë në Zvicër, duke u kujdesur që ata të mos harrojnë gjuhën amë.
Xhamia Kërçova e udhëhequr nga një kryesi e palodhur me Kreytar Enver Ibraimin, zv kryetar Shemadin Ajdini, sekretar Sefer Seferi , dhe arkëtar Emro Shabani , për gjatë këtyre pesë viteve kanë organizuar edhe aktivitete kulturore duke i bashkuar të gjithë kërçovarët në një vend.
Në pesë vitet e kaluara kontributi i kësaj Xhamie ka qenë jazhtëzakonisht i lartë, duke ju përgjigjur çdo nisme apo procesi politik e shoqëror të shqiptarëve në Zvicër dhe vendlindje, duke veçuar disa nga aktivitetet që janë realizuar në këtë xhami siq është procesi i regjistrimit të popullatës në Maqedoninë e Veriut , apo s’fundmi duke i mobilizuar kërçovarët për zgjedhjet lokale për të ardhë në vendlindje për të mbështetur kandidatin shqiptar në rrethin e dytë për Komunën e Kërçovës.
Në këto pesë vite të kaluara xhamia Kërçova ka realizuar edhe një numër të madh të aktiviteteve humanitare, fillimisht duke bashkëpunuar me shoqatat humanitare në Kërçovë, e më pas edhe me myftininë e Kërçovës, vlen për tu veçuar edhe aksioni humanitar të cilin kjo xhami e realizoi gjatë fundit të vitit 2019 me rastin e fatkeqësisë natyrore me tërmetin që goditi Shqipërinë.
Për të shënuar pesë vjetorin e themelimit, më dt 5.12.2021 Xhamia Kërçova organizion një manifestim ku do të marrin pjesë figura të rëndësishme nga Kërçova e më gjerë, si lideri politik i shqiptarëve në RMV Ali Ahmeti, Shaqir Ef Fetahu kryetar i BFI në MV, Mehas Ef Alija kryetar i komunitetit mysliman shqiptar në Zvicër, Fatmir Dehari kryetar i Komunës së Kërçovës, Qamil Ef. Rushiti kryetari i myftinisë së Kërçovës, Feti Ef Mehdiu përkthyes i parë i kuranit në gjuhën shqipe dhe imamë nga Kërçova.
Manifestimi do të mbahet konform rregullave anti covid, duke realizuar testin e nevojshëm, të cilin xhamia Kërçova e ofron falas.
