Hotel Atva Residencë nga kjo verë ka filluar të organizojë shëtitje në mal me motoçikleta me katër rrota me qëllim të promovimit dhe zhvillimit të turizmit malor në rajonin e Kërçovës.
Turizmi alternativë të cilin e ofron Hotel “Atva Residence” nga Kërçova është një përpjekje për zhvillimin e kësaj industrie shumë të rëndësishme për këtë rajon. Shëtitje me plotë adrenalinë me motoçikletë me katër rrota, në malet e Kërçovës duke u ngjitur deri në majën më të lartë të malit Bistra .
Ekipi i Tv Gurra ishte pjesë e një udhëtimi gjatë këtyre ditëve me organizatorin njëherit edhe pronarë i Atva Residesce Tomçe Filiposki, duke u ngjitur në lartësi mbi 1300 metra, plot adrenalinë dhe me sfida të ndryshme nga terreni i vështirë udhëtuam sbashku për rreth tre orë.
Filipovski tha se qëllimi i këtij organizimi është promovimi dhe zhvillimi i turizmit alternativë dhe për ti njoftuar vizitorët me bukuritë malore që posedon Kërçova.
Ai më tej tha se edhe pse për arsyre teknike ka filluar me vonesë , ka pasur shumë të interesuar të cilët në fund kanë ngleur të mahnitur dhe kanë rezervuar përsëri.
Ai shpjegon se udhëtimi më i shkurtër me motoçikletë në mal është me gjatësi prej 20 km me kohëzgjatje deri në 2 orë.
Ndërsa udhëtimi më i gjatë është deri në majën e malit Bistra me gjatësi prej 55 km në kohëzgjatje prej katër orë, duke u ngjitur në lartësi mbi detare 1800 metra.
Shumë të kënaqur me atë që përjetuan, të huajt njoftuan për vitin e ardhshëm se do të vijnë në një numër shumë më të madh dhe do të sjellin miqtë dhe të njohurit e tyre, në mënyrë që ata të mund të jenë pjesë e këtyre udhëtimeve me plot adrenalinë – shtoi Filipovski.
Për detaje tjera dhe për rezervime mund të kontaktoni në Nr. 071 254 070 dhe 045 287 414
