Njëra prej angazhimeve kryesore të Qeverisë është që t’i vendos politikat energjetike të themeleve stabile afatgjate të bazuara në energji të pastër, të gjelbër, krijim të kushteve për rritje të qëndrueshme të ekonomisë, mjedis të shëndetshëm jetësor dhe vende të reja të punës, theksoi kryeministri Zoran Zaev në fjalimin në forumin socio-ekonomik në Shkup.
Zaev thesksoi se Ligji i ri për energjetikë tërësisht është harmonizuar me BE-në dhe Bashkësinë energjetike dhe mundëson realizim të strategjisë së re për energjetikë deri në vitin 2040 dhe planin kombëtar për klimë dhe energji.
Theksoi se një prej parimeve bazë të Qeverisë është ajo që është projektuar në strategjitë dhe programet shpejtë të shndërrohet në projekte reale dhe aksione konkrete. Për shkak të kësaj është sjell legjislacion i ri dhe i harmonizuar me rregullativën e BE-së si mbështetje e investimeve në centralet fotovoltaike dhe mullinjtë me erë.
“Kjo u njoh menjëherë nga investitorët e huaj që tashmë po përfundojnë projektet e tyre në vend. Ne jemi një tokë e diellit, por për fat të keq në të kaluarën ajo nuk përdorej sa duhet. Por një numër i madh i objekteve janë ndërtuar në katër vitet e fundit. Projektet prej 30 milionë eurosh për termocentralet fotovoltaike me një total prej 62 megavat po zbatohen. Në Oslomej në minierën e vjetër të qymyrit ne realizojmë 110 megavat volt, 10 megavat vetëm si shtet, dhe dy herë 50 megavat me partneritet publik-privat. Vlera e përgjithshme është 67 milionë euro, dhe kushti ishte një punonjës për megavat të merrej nga investitorët privatë. Kjo do të thotë që 100 punonjës do të zhvendosen në impiantet e reja fotovoltaike. Në Bogdanaci, Shën Nikollë dhe Demir Kapi kemi 36 megavat mulli me erë secila, gjithsej 108 megavat. Të gjitha procedurat kanë përfunduar dhe ato janë në fillim të ndërtimit. Në aeroportin e vjetër në Shtip, me një kompani franceze, po realizohen 360 megavat termocentrale fotovoltaike me vlerë 200 milionë euro. Me një kompani gjermane në Kumanovë, Kriva Pallankë dhe Nagoriçane e Vjetër, janë duke u ndërtuar 415 megavat mulli me erë, një projekt me vlerë 500 milionë euro”, tha Zaev.
Si nxitje për investitorët, ai citoi Ligjin e ri për Investimet Strategjike. Çdokush që do të investojë mbi 50 milionë euro në energji të rinovueshme do të jetë në gjendje të arrijë një marrëveshje të drejtpërdrejtë me Qeverinë, e cila do të përkthehet në ligj, e cila, siç theksoi ai, siguron një rrugë të shpejtë për realizimin e investimit.
“Jemi të përkushtuar ndaj agjendës së gjelbër. Krijojmë kushte investimi, vende të reja pune dhe një mjedis të shëndetshëm me një të ardhme të sigurt. Ne po ndërtojmë një infrastrukturë 140 milionë euro për hidrogjen dhe gaz natyror, me një interkonektor me Greqinë dhe një studim fizibiliteti me Kosovën dhe Serbinë. Pas 10 milionësh ne investojmë në kondicionerët inverter për të hequr dorë nga karburantet fosile. Të gjitha institucionet publike duhet të kalojnë në gaz ose inverter dhe burime të tjera të energjisë së rinovueshme deri në vitin 2025. Po punojmë edhe në projekte të efiçiencës së energjisë”, tha Zaev.
Theksoi se Maqedonia e Veriut mbështet Marrëveshjen e Gjelbër Evropiane për një ekonomi të qëndrueshme duke i kthyer sfidat klimatike dhe mjedisore në mundësi të reja.
Forumi i parë Socio-ekologjik që mbahet sot në Shkup mbledh së bashku udhëheqës politikë progresivë rajonalë dhe evropianë, grupe studimore dhe OJQ, udhëheqës të rinjsh dhe gazetarë për të diskutuar mbi një të ardhme të pastër dhe të gjelbër, të arritshme për të gjithë qytetarët e vendeve të Ballkanit Perëndimor.
