Me datën 9 tetor u mbajt edicioni i 8-të tradicional i festivalit “Dita jonë” organizuar nga shoqata “Kult”
Këtë vit ishte edicion special dhe e tërë vëmendja kaloi në kujtimin e mjeshtrit të madh Kujtim Alija i cili një jetë ia dedikoi muzikës dhe fëmijëve!
Në këtë mbrëmje u intrepretuan 17 këngë nga autorë të njohur si Afred Kaçinari, Erjona Rushiti, Edmond Zhulali, Shkodran Tolaj e shumë të tjerë! Këngë të larmishme me produksione të jashtëzakoshme erdhën të interpretuara “live” nga 21 solistë të jashtëzakonshëm nga Shkodra të cilët krijuan emocione të mëdha. Kryetari i komunës Fatmir Dehari ndau mirënjohje post mortum për Kujtim Alinë me motivacion “ personalitetit të të rrallë që i fali një jetë muzikës dhe u bë model i ngritjes së festivaleve në shumë vise shqiptare! Interesimi ishte aq i madh sa për shkak të rregullave anti covid një pjesë nuk arriti që nga afër ta ndjek festivalin. Me datën 10 tetor u mbajt manifestimi “Ditë dhe netë festive” edicioni i 4-të!
Në kuadër të këtij manifestimi tradicional u shfaq filmi dokumentar “Dasma kërçovare” nga shoqata “Fortesa”, më pas koncert me këngë burimore, poezi dhe ushqime tradicionale kërçovare nga “Gruaja shqiptare”, në orën 18:00 u hap ekspozita “Gjurmëve të atdheut” e Valmir Azirit menaxhuar nga shoqata “Opus Art”, në orën 19:00 u mbajt koncerti solistik i pianistit të njohur Shkëlzen Baftiari nga shoqata “Konsonanca”. Manifestimi u mbyll me filmin dokumentar “Një tregim Prishtine” një punë e jashtëzakonshme e regjisores Burbuqe Berisha!
