Festa e Lindjes së Krishtit, Krishtlindja, na përkujton se paqja dhe gëzimi, dashuria dhe bashkësia, mirëkuptimi dhe dhurimi janë vlerat tona më të mëdha. Të vazhdojmë të dhurojmë pa rezerva dashuri pa kushte dhe respekt ndaj familjarëve, duke ndërtuar harmoni në shtëpi, bashkësi dhe në tërë shoqërinë. thotë presidenti i shtetit, Stevo Pendarovski në urimin me rastin e festës së madhe të Lindjes së Krishtit – Krishtlindjes.
Urimin e Krishtlindjes, me të cilin dëshiron që festën ta kalojnë në shëndet të mirë, në gëzim dhe lumturi, shefi i shtetit ua dërgoi të gjithë qytetarëve të cilët e festojnë lindjen e Krishtit, kryetarit të Kishës Ortodokse të Maqedonisë, z.z. Stefanit dhe kryetarit të Përfaqësisë kishtare të Kishës evanegjeliste-metodiste, Emil Zaev.
“Festa e madhe le të na japë energji shtesë për t’u përballur me të gjitha vështirësitë dhe sprovat dhe le të na inspirojë për fisnikëri, bamirësi, solidaritet dhe unitet. Me besim të sinqertë dhe me vetëbesim të thellë të krijojmë sukses dhe mirëqenie, Krishti u lind!”, shkroi Pendarovski në urim.
